The following message is a copy from ....
........ 貓主JOYCE WAI : http://hk.myblog.yahoo.com/joycewai616

尋貓小白 - 深水步朋友請幫忙,有走失地圖

網誌分類：愛貓故事 |

圖片 重要

網誌日期：2008-06-12 01:24

首先喺度好多謝幾位朋友, 有願意無條件幫忙既長沙灣 Angel、深水埗餵貓義工 T 小姐、 Y 小姐 及 H 小姐、動物傳心師亞筠、不停提供好多好多寶貴意見既幾位朋友 marieru 、 Curious 、Hiker 、rheavv 、bebekit 、Y.P.NG 、丁丁Kit~ 等等、提供重要線索, 話自己或朋友見過小白資料既 喵喵姐姐------琪琪、彤＾＊柔如絲＞～ , 仲有一班幫我轉貼又轉貼既 blog 友 罐罐、14 、貓貓yan 、貓PET TEEN地 、Sùer 等等, 另外仲有一大班畀咗意見 / 留言支持 / 幫手轉貼出 post / 畀我不停留告示喺佢哋個 blog / 幫手留言小白蹤影 / 到處問消息等未能盡錄又好關心小白既 blog 友, 最後當然都要多謝男友一有時間就幫我走入後巷搵小白, 真係好多謝你哋, 感激不盡!! 今早收到 Angel 既電話, 話原來噚晚有位由深水埗餵貓餵到去長沙灣既女仕 T 小姐, 執咗一張我貼喺街度既尋貓告示到處問人有冇見到小白, 最後去到長沙灣時遇上 Angel, Angel 幫我留起咗 T 小姐既聯絡電話, 睇吓有咩可以幫到手。收工後, 收到 T 小姐來電, 雖然未有好實際既資料提供, 但都教咗我好多搵貓既方法, 仲幫我搵咗佢啲朋友一齊幫手諗方法同留意小白蹤影。另外, 今晚十一點至十二點半呢段時間, 聽大家畀既意見, 走咗去附近後巷, 留底咗啲食物同水, 亦留咗電話畀一個喺附近後巷養咗廿幾隻流浪貓既女仕 H 小姐, 佢好好人, 話如果見到, 一定會通知我。雖然今晚見到唔小白既蹤影, 但都未算完全冇收獲, 我仍會繼續努力! 小白, 你唔好走太遠, 要等我接你返屋企呀!!~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~* 本人痛失愛貓小白, 有冇人可以幫手留意吓?
失蹤日期 : 五月廿四日, 朝早近十點左右
走失地點 : 深水埗北河街 80 號 (北河街街市附近)
小白特徵 : 長毛家貓, 全身白, 頭頂及整條尾黑色, 中至廋身型。

請大家繼續幫手諗諗小白可能喺邊條後巷好嗎? 謝謝各位幫忙!
小白所在後巷資料 :
1. 後巷對出是一條馬路
2. 感覺上唔太近繁忙既交通點, 因為都比較靜~唔係聽到好多車聲
3. 對出有一個燈紅色的霓虹燈燈光
4. 後巷很窄, 但不太髒, 及只看到有一個竹籮
5. 後巷上面好像有篷的, 下大雨都不會弄濕的, 只有一兩滴雨水
6. 應該是餐廳旁的後巷, 是用來放垃圾的位置
7. 後巷一邊既大廈係住宅, 應該係地鋪, 上面就住宅
8. 間地鋪有似係茶餐廳之類既既食肆
9. 另外, 附近應該係有類似海味店既鋪, 因為見到d 類似咁既佈置
PS : 小白會躲起來的, 不容易有人會發現牠中間紅圈位置就係小白走失既地方, 以我所知, 基隆街向北河街街市方向, 及北河街向港鐵站反方向都比較多海味舖, 各位朋友可否幫幫手諗諗應該邊條街既後巷最似?

十萬個感激各位幫忙........

如各位有消息, 煩請聯絡鍾小姐 9757 8118 。
已轉載至 :
HKCATS :
深水埗失 黑尾白貓 「小白」
http://www.hkcats.org/phpBB2/viewtopic.php?t=61149&postdays=0&postorder=asc&start=0
新聞組啦討論區 :
尋找愛貓小白 薄酬二千
http://forum.newsgroup.la/thread-82952-1-1.html

香港討論區 discuss.com.hk { 寵物報失 - 寵物領養(寵物待領) }:
尋貓 - 小白失蹤了... (深水埗區)
http://www10.discuss.com.hk/viewthread.php?tid=7282102

請幫忙轉貼或廣傳, 謝謝!