攝影日記 (Viewing from Hiker's eyes): 沖繩體驗自駕遊 [第二天] Jan. 2009

引用自沖繩體驗自駕遊 [第二天]

Okinawa is my another target.
The article below is transferred from 健文
------------------- ******** ------------------
耀眼的陽光, 不知何時偷偷地從窗簾罅隙中灑進房間內, 仍想繼續睡的我, 也不急及待走到窗旁, 看一看外面的天氣, Wow..

...藍天與白雲啊!! 好久沒見面了, 你好嗎?

好的開始, 就從今天起...., 望出窗外, 遠處那一座建築物, 不就是我們第一站的景點, 泊港大樓, 大樓後面就係泊港了, 原來咁近酒店喎!! 睇一睇時間, 不得了

, 九點啦!! 早餐時間只係去到九點半咋!! 快快刷牙洗面, 落樓下食早餐啦!!

沒有華麗裝修, 沒有豐盛的食物, 只有簡潔樸實的裝橫, 只有清淡的苦瓜午餐肉, 亦感覺得悠然自得, 舒適. 未去沖繩前, 已聽聞沖繩名菜-苦瓜午餐肉, 每個blog友都有讚有彈, 今日自己終於都可以試吓, 結果係.... 無咩特別, 又唔苦又唔甘, 總之, 唔覺自己係到食緊苦瓜, 苦瓜應該係苦嫁, 點解.......... .....

尋晚咁夜黎到, 都未睇清你個樣, 當然要幫你拍下照啦!! 影低你個靚仔樣先

S: 前島酒店 H: 泊港大樓 (黃色長條形) G: 泊漁市場深藍線: 步行路線
之前計劃原本今日係去租車, 跟住揸車去泊漁市場, 後來發覺遲一日租車, 會係平多一點點, 加上沒影響行程, 所以推遲了一天, 第三天才租車北上( 詳情將會在下篇: 沖繩體驗自駕遊 [租車篇]細說 ), 今天嘅行程先去泊漁市場G, 去漁市場做嘜?? 緊係食魚生壽司啦!! 哈哈, 無錯, 又係為咗食!! 由酒店S步行去泊漁市場, 從地圖上好似不太遠, 只知揸車只須五分鐘, 其實我都不知道要行幾遠, 不過, 無所謂啦!! 今日可以慢慢hea吓, 不趕時間, so relax

!! 行去魚市場, 會途經泊港, 咁!! 就去泊港參觀一下先啦!! 泊港就在前島酒店的斜對面, 相當近!!

泊港大樓外觀

穿過泊港大樓, 映入眼簾的就是藍天碧海的泊港

泊港大樓內, 有售賣沖繩外島(e.g. 久米島, 座間味島, 渡嘉敷島...)船票的Counter, 譬如就以座間味島為例, 到座間味島的船, 有分快速和普通兩隻，快速船只需1小時便到座間味島, 普通船要路經阿嘉島, 便要2小時船程。其實, 計劃行程時, 也有考慮過去唔去外島呢? 不過, 其後細想, 是否貪心了一點呢? 因沖繩本島好多地方都未去過, 竟然要話去外島走走, 太過份啦!!! 哈...哈.... 人始終是貪心的!!! 6日可以去晒成個沖繩就最好, yeah

沖繩外島圖

離開泊港大樓, 沿住碼頭邊行, 去到大樓對面, Snapshot 一回

!!!

從座間味島回來的船, 剛剛泊岸

泊大橋

沖繩苦瓜
行緊去漁市場途中, 發現幾株苦瓜, 原來沖繩苦瓜個樣跟香港種果d好唔同, 它表面是一粒二粒, 大小不一, 而香港/大陸種果d則比較粒得黎長伸d d, 唔知大家明唔明我講咩呢? 記起細路仔時, 家境不是太好, 嫲嫲每年都會在家門前種幾株苦瓜, 用它做菜, 還送給鄰居, 所以她的人緣相當好, 當時年紀小的我, 總是不肯食嫲嫲用苦瓜做的菜, 甚至走出屋外, 偷偷地拋掉. 有一次, 我見嫲嫲將d 鹽, 放落裝滿苦瓜的盆到, 然後上下左右搖動個盆, 好奇的我, 得知此動作原來可以令苦瓜無咁苦, 立即喊著 " 等我來...等我來... " 於是用盡狗牛二虎之力, 搏哂命咁搖, 搖到阿媽都唔認得果隻